“Vest Hem” PSV-nin futbolçusu Rikardo Pepi ilə maraqlanır. Matc.az xəbər verir ki, Premyer Liqa klubu 22 yaşlı hücumçunu qış transfer dönəmində almağı düşünür.

İngilislər əvvəlcə onu icarəyə götürməyi planlaşdırır. Keçid baş tutsa, müqavilədə birdəfəlik transfer etmək öhdəliyi də olacaq. “Vest Hem” ilk olaraq bunun üçün 25 milyon funt-sterlinq təklif etsə də, niderlandlılar “yox” cavabını verib. Premyer Liqa klubu daha yaxşı şərtlərlə qarşı tərəfin qapısını döyməyə hazırlaşır.

Qeyd edək ki, Rikardo Pepi bu mövsüm Niderland çempionatında keçirdiyi 18 oyunda 11 qol vurub.