Braziliyalı hücumçu Neymar Səudiyyə Ərəbistanının "Əl-Hilal" klubundan ayrılaraq "Santos"a keçmək qərarı barədə açıqlama verib.

Matc.az xəbər verir ki, ulduz futbolçu transferi haqda ətraflı danışıb.

"Futbolun məntiqindən kənara çıxan bəzi qərarlarım var. Və onlardan bəziləri olduqca əhəmiyyətlidir. Nə vaxt əmin oldum ki, qayıtmalıyam? Etiraf edim ki, yanvarın əvvəlində "Santos"a qayıdacağımı təsəvvür etmirdim və "Əl-Hilal"dan ayrılmağı da planlaşdırmırdım. Ailəm xoşbəxt idi və mən oynamaq istəyi ilə dolu idim.

Amma şərait yarandı və mən qərar verməli oldum. Məşq zamanı, gündəlik həyatda kədərlənməyə başladım və bu, psixi durumuma mənfi təsir etdi. Qayıtmaq fürsəti gəldi və iki dəfə düşünmədim. Atama dedim ki, "Santos"a qayıtmaq istəyirəm və hər şey əla keçdi. Hər kəs xoşbəxtdir, mən, ailəm və dostlarım daha çox. Yenilənmiş enerji ilə qayıtdım".

Qeyd edək ki, Neymar 2009-2013-cü illərdə "Santos"un əsas komandasında çıxış edib. "Transfermarkt" portalında 32 yaşlı futbolçunun bazar dəyəri 15 milyon avrodur.