"Mançester Yunayted" "Leççe"nin sol cinah müdafiəçisi Patrik Dorqunu heyətinə qatıb.

Matc.az xəbər verir ki, bu barədə ingilis klubunun rəsmi saytı məlumat paylaşıb.

"Qırmızı şeytanlar" 20 yaşlı danimarkalı futbolçu ilə 2030-cu ilin yayına qədər müqavilə bağlayıb.

Mançester təmsilçisi Dorqunun transferi üçün 35 milyon avro ödəyəcək. Bunun 30 milyon avrosu sabit, digər 5 milyon avro isə bonus ödənişləri olacaq.

Qeyd edək ki, danimarkalı futbolçu 2022-ci ilin yayından "Leççe"də çıxış edir. Bu mövsüm Dorqu bütün turnirlərdə 23 oyun keçirib, 3 qol vurub və 1 məhsuldar ötürmə edib.

"Transfermarkt" portalında futbolçunun bazar dəyəri 20 milyon avrodur.