İngiltərə kubokunun 1/16 finalının oyunları keçirilir. 

Matc.az xəbər verir ki, "Liverpul" səfərdə "Plimut Arqayl"la qarşılaşıb.

Görüş meydan sahiblərinin minimal hesablı qələbəsi ilə yekunlaşıb. Görüşün taleyini həll edən qolu oyunun 53-cü dəqiqəsində Hardi peniltidən vurub.

Beləliklə, "Liverpul" turnirdə mübarizəsini dayandırıb.

Qeyd edək ki, ötən gün "Çelsi" də səfərdə "Brayton"na uduzaraq mübarizədən kənarda qalıb.