“Real”ın hücumçusu Kilian Mbappenin maaşı bəlli olub. Matc.az xəbər verir ki, Fransa millisinin üzvü “kral klubu”nda bonuslar daxil olmaqla ildə 36 milyon avro əldə edir.

Madridlilər təxminən 20 milyon qazanan yarımmüdafiəçi Toni Kroos, hücumçu Xoselu (2 milyon) və müdafiəçi Naço Fernandesin (10 milyon) gedişi sayəsində fransalıya bu məbləği ödəyə bilib. Həmçinin, kapitan Luka Modriç sayəsində bir qədər də pula qənaət olub. Belə ki, o, müqaviləni uzadarkən maaşını ikiqat azaldıb (24 milyondan 12 milyona).

Qeyd edək ki, Kilian Mbappe yay fasiləsində azad agent kimi PSJ-dən “Real”a keçib. Ulduz futbolçu bu mövsüm 15 oyunda 8 qol vurub, 2 məhsuldar ötürmə verib.