Sabah Azərbaycan Premyer Liqasında XXIII tur start götürəcək. Matc.az xəbər verir ki, iki gün ərzində turun 4 oyunu keçiriləcək.

Yalnız “Qəbələ” – “Qarabağ” qarşılaşması ikincilərin avrokuboklardakı iştirakı ilə əlaqədar fevralın 28-nə təxirə salınıb.

Uğursuz mövsüm keçirən “Sabah” turun ilk matçında autsayderlər zonasında qərarlaşan “Kəpəz”i qəbul edəcək. Gəncəlilər qələbə qazanarsa, paytaxt təmsilçisinə yaxınlaşacaq. Ardından eyni xalla turnir cədvəlinin orta sıralarında yer alan “Səbail”lə “Araz-Naxçıvan” üz-üzə gələcək.

Ertəsi gün ikinci pillədə qərarlaşan “Sumqayıt” Mehdi Hüseynzadə adına şəhər stadionunda “Turan Tovuz”u sınağa çəkəcək. Daha bir cütdə eyni xala sahib komandalar qarşılaşacaq. Belə ki, “Neftçi” və “Zirə” birincilərin meydanında münasibətlərinə aydınlıq gətirəcək.

Premyer Liqa
XXIII tur
17 fevral

16:00. “Sabah” – “Kəpəz”
“Bank Respublika Arena”

18:30. “Səbail” – “Araz-Naxçıvan”
“ASCO Arena”

18 fevral

“Sumqayıt” – “Turan Tovuz”
Mehdi Hüseynzadə adına Sumqayıt şəhər stadionu

18:00. “Neftçi” – “Zirə”
“Neftçi Arena”