"Turan Tovuz"un Türkiyədəki təlim-məşq toplanışında Rumıniya Superliqasının "Qloriya Buzau" klubundan sonra daha bir rəqibi müəyyənləşib.

Matc.az xəbər verir ki, Kurban Berdiyevin rəhbərlik etdiyi kollektiv Özbəkistanın "Paxtakor" komandası ilə qarşılaşacaq.

İlk oyun yanvarın 9-da, ikinci qarşılaşma isə 12-də baş tutacaq.

Qeyd edək ki, "Paxtakor" ölkə çempionatında 38 xalla 6-cı sırada qərarlaşıb. 

"Turan Tovuz"un Antalya bölgəsindəki toplanışı yanvarın 13-nə qədər davam edəcək.