“Real”ın hücumçusu Kilian Mbappe Madrid klubunda dekabrın ən yaxşı oyunçusu mükafatına layiq görülməsinə münasibət bildirib. Matc.az xəbər verir ki, fransalı forvard bundan sevincli olduğunu söyləyib.

Mbappe artıq özünü yaxşı formada hiss etdiyini deyib: “Mənə səs verdikləri üçün azarkeşlərə təşəkkür edirəm. Mənim və komandam üçün əla ay oldu. Həm komanda, həm də mən yaxşı vəziyyətdəyik. Qarşıda çox matç var, amma biz hər şeyi qazanmalıyıq və bunun üçün mübarizə aparacağıq”.

Qeyd edək ki, Mbappe dekabrda Madrid klubunun heyətində 6 oyun keçirib, 5 qol vurub, 2 məhsuldar ötürmə verib.