"Mançester Yunayted" "Brentford"un 25 yaşlı vingeri Brayan Mbemo ilə maraqlanır.

Matc.az xəbər verir ki, bu barədə "Daily Star" məlumat yayıb.

Bildirilir ki, "qırmızı şeytanlar" kamerunlu futbolçunun transferi üçün 40 milyon funt-sterlinq (47,6 milyon avro) təklif etməyə hazırdır. "Mançester Yunayted"in gələn yay Mbemonu almağa çalışacağı vurğulanır.

Qeyd edək ki, Brayan Mbemo bu mövsüm bütün turnirlərdə 23 matçda iştirak edib, 13 qol vurub və 4 məhsuldar ötürmə edib. Hücumçunun klubla hazırkı müqaviləsi 2026-cı ilin yayına kimi nəzərdə tutulub. "Transfermarkt portalında futbolçunun bazar dəyəri 50 milyon avrodur.