"Flamenqo" klubu Juninyonun transferi üçün "Qarabağ"la razılığa gəlib.

Matc.az xəbər verir ki, bu barədə Braziliyanın bir neçə media qurumu məlumat yayıb.

Bildirilir ki, Rio təmsilçisi qışda ilk transferini gerçəkləşfirmək üzrədir. Juninyo klubun 2025-ci ildə alacağı ilk oyunçu olacaq.

Məlumata görə, bu, "Flamenqo"nun "Qarabağ"a ikinci təklifi sayəsində mümkün olub. Rio-De-Janeyro klubu Juninyo üçün "Qarabağ"a 5 milyon avro ödəyəcək. İlk müraciətdə 4 milyon təklif olunmuş, "Qarabağ" isə bunu rədd etmişdi.

Braziliyanın tanınmış insayderi Vene Cesagrande də tərəflərin razılığa gəldiyini və Juninyonun 5 milyon təzminat müqabilində "Flamemqo"ya keçəcəyini yazıb.

Hələlik klublar bu məlumatı şərh etməyiblər.