Avropa klublarının yeni reytinq cədvəli açıqlanıb. Matc.az xəbər verir ki, 400 klubun yer aldığı siyahıda Azərbaycan 4 komanda ilə təmsil olunub.

Ən yaxşı göstəriciyə malik klubumuz “Qarabağ”dı. Ağdamlılar 279 xalla 63-cü sırada qərarlaşıb. Qurban Qurbanovun yetirmələrinin mövqeyi dəyişməyib.

“Neftçi” 4 pillə irəliləyərək, aktivindəki 19 xalla 252-sidi. “Sabah” isə əksinə, 4 addım geriləyib. Bakılılar 15 xalla 283-cü pillədə qərarlaşır.

“Zirə” isə “Sabah”dan 1 xal az toplayıb. Rəşad Sadıqovun kollektivi 287-ci sıradadı.

Qeyd edək ki, Avropa reytinqinə 2447 xalla “Real” başçılıq edir.