“Arsenal”ın hücumçusu Qabriel Jezus “Mançester Yunayted”lə oyunda zədələnib. Matc.az xəbər verir ki, braziliyalı forvard rəqibin yarımmüdafiəçisi Bruno Fernandeşlə toqquşmadan sonra yerə yıxılıb.

Bu səbəbdən futbolçu 40-cı dəqiqədə əvəzlənib. Onun dizinin ön çarpaz bağının yırtılması şübhəsi var. Zədənin ciddiliyini dəqiq müəyyənləşdirmək üçün əlavə müayinələr olacaq.

Qeyd edək ki, Federasiya Kubokunun 1/32 final mərhələsində keçirilən oyun 1:1 hesabı ilə başa çatıb, penaltilər seriyasında “Mançester Yunayted” 5:4 hesablı qələbə qazanıb.