"Porto" Minsk "Dinamo"sundan 18 yaşlı belaruslu hücumçu Trofim Melniçenkonun transferini açıqlayıb.

Matc.az xəbər verir ki, bu barədə klubu rəsmi saytı məlumat paylaşıb.

Futbolçunun Portuqaliyanın ikinci komandasında çıxış edəcəyi bildirilir. O, 43 nömrəli formanı seçib.

Melniçenko "Dinamo Minsk" akademiyasının məzunudur. O,  Belarus klubunun əsas heyətində 37 oyun keçirib, 3 qol vurub və 5 məhsuldar ötürmə edib. 18 yaşlı futbolçunun ölkəsinin millisində də 1 oyunu var.

"Transfermarkt" internet portalında Melniçenkonun "Portu" ilə müqaviləsi 2028-ci il iyunun 30-na kimidir. Futbolçunun bazar dəyəri 250 min avro olaraq qiymətləndirilir.