Misli Premyer Liqanın XIX turu çərçivəsində keçiriləcək "Qarabağ"ın "Şamaxı" ilə oyunun biletləri sabah saat 12:00-dan etibarən satışa çıxarılır.

Matc.az xəbər verir ki, biletlərin qiyməti sektorlara uyğun olaraq 3, 7 və 15 manat aralığında dəyişir.

Biletlər sabahdan etibarən iTicket.az-da onlayn, oyun günü isə həm iTicket.az-da onlayn, həm də Tofiq Bəhramov adına Respublika stadionunun kassalarında da satışda olacaq.

Qapılar azarkeşlər üçün oyunun start fitindən 120 dəqiqə əvvəl açılacaq.

Qeyd edək ki, "Qarabağ" - "Şamaxı" matçı 17 yanvar, saat 19:00-da start götürəcək.