“Çelsi” mövsümün sonunda böyük transfer büdcəsi ayıracaq. Matc.az xəbər verir ki, İngiltərə klubu yeni oyunçu keçidləri üçün 200 milyon funt-sterlinq xərcləməyi düşünür.

Maliyyə feyr-pleyini də nəzərə alsaq, “zadəganlar” heç bir oyunçu satmadan belə, bu qədər pul xərcləmək imkanına malik olacaq. Bəzi futbolçularını satarsa, transfer üçün məbləğ 300-350 milyon funt-sterlinqə qədər yüksələ bilər.

London klubunun ilk hədəfi “Bavariya”nın sol cinah müdafiəçisi Alfonso Devis olacaq. Kanadalı uğrunda “Real”la mübarizə aparılacaq. Həmçinin “Bornmut”un müdafiəçisi Miloş Kerkez də “Çelsi”nin maraq dairəsindədi.