"Barselona" özünü Robert Levandovskinin agenti Pini Zahavi kimi göstərən fırıldaqçıya 1 milyon avro köçürüb.

Matc.az xəbər verir ki, bu barədə "Cadena Ser" məlumat yayıb.

Bildirilir ki, Kataloniya klubu pulu "agentin" hesabına köçürüb, lakin sonradan bank əməliyyatı bloklayıb və vəsaiti geri qaytarıb.

Xatırladaq ki, bu mövsüm Levandovski bütün yarışlarda 11 matçda iştirak edib, 12 qol vurub və 2 məhsuldar ötürmə edib.

36 yaşlı futbolçunun klubla hazırkı müqaviləsi 2026-cı ilin yayına kimi nəzərdə tutulub. "Transfermarkt" portalında futbolçunun bazar dəyəri 15 milyon avrodur.