"Mançester Yunayted"in hücumçusu Markus Reşford "Napoli"nin gürcü cinah oyunçusu Xviça Kvaratsxeliyanı əvəz edə bilər.

Mac.az xəbər verir ki, bu barədə "Mirror" məlumat yayıb.

Bildirilir ki, Kvaratsxeliyanın gedişi təsdiqlənərsə, neapollular Reşfordu transfer etməyə çalışacaqlar. Bildirilb ki, ingilis vinger özünə klub axtarır və onun nümayəndələri hazırda İtaliya, Fransa, İspaniya və Almaniya komandaları ilə fəal danışıqlar aparır.

Qeyd edək ki, Kvaratsxeliya qış transfer pəncərəsində Fransanın PSJ klubuna keçmək niyyətindədir. "Napoli"nin baş məşqçisi Konte də Xviçanın transfer tələbini təsdiqləyib.

Markus Raşford bu mövsüm "Mançester Yunayted"in heyətində 23 oyunda 7 qol vurub və 3 məhsuldar ötürmə edib.