Ronaldo yeni 1 illik sözləşməyə əsasən ilinə 200 milyon avro gəlir əldə edəcək.

Ulduz futbolçu Kriştianu Ronaldonun “Əl Nəsr” klubundakı gələcək taleyinə aydınlıq gəlib. Matc.az xəbər verir ki, Portuqaliya yığmasının üzvü hazırkı komandasında qalmağa qərar verib.

Belə ki, Səudiyyə Ərəbistanı təmsilçisi Ronaldoya fantastik təklif irəli sürüb. Təkliflə razılaşan Ronaldo yeni 1 illik sözləşməyə əsasən ilinə 200 milyon avro gəlir əldə edəcək. Onun həftəlik qazancı isə təxminən 3,8 milyon avro olacaq.

Qeyd edək ki, Ronaldonun fevralın 5-də 40 yaşı tamam olacaq. 2023-cü ildən “Əl-Nəsr”in formasını geyinən Kriştianu cari mövsümdə klubda 20 oyun keçirib və 17 qola imza atıb.