"Mançester Siti"nin baş məşqçisi Pep Qvardiola məşqçilik karyerasında ilk dəfə olaraq ardıcıl 4 məğlubiyyət alıb.

Matc.az xəbər verir ki, bu barədə "Opta Sports" məlumat yayıb.

İspan baş məşqçinin rəhbərliyi altında "Mançester Siti" İngiltərə Premyer Liqasının 11-ci turu çərçivəsində səfərdə "Brayton"a 1:2 hesabı ilə uduzub.

Bundan əvvəl isə "Mançester Siti" Liqa Kubokunda "Tottenhem"ə (1:2), Premyer Liqada "Bornmut"a (1:2), Çempionlar Liqasında isə "Sportinq"ə (1:4) məğlub olub.

Qeyd edək ki, "Mançester Siti" 2006-cı ildən bəri belə bir məğlubiyyət seriyası almayıb.