Avstriyada təlim-məşq toplanışını bitirən “Qarabağ” Azərbaycana qayıdıb. Matc.az xəbər verir ki, “köhlən atlılar” bu gün səhər saatlarında Bakıya dönüblər.

“Qarabağ” iyulun 5-dən 17-dək Tirol bölgəsində baş tutan hazırlıq prosesi çərçivəsində 4 yoxlama oyununa çıxıb. “Kayzerslautern”ə 1:3 hesabı ilə uduzan Qurban Qurbanovun yetirmələri “Viktoriya”ya 2:1, “Slaven”ə 1:0, “Şəbəb Əl-Əhli”yə isə 5:2 hesabı ilə qalib gəliblər.

Qeyd edək ki, “Qarabağ” Çempionlar Liqasının II təsnifat mərhələsində Cəbəllütariq çempionu “Linkoln”la üz-üzə gələcək.