Konfrans Liqasındakı təmsilçimizin həm ev oyunu, həm də səfər görüşü “İdman TV” telekanalı ilə canlı yayımlanacaq.

“Sumqayıt”ın Konfrans Liqasının 2-ci təsnifat mərhələsində “Fehervar”a qarşı keçirəcəyi oyunlar əvvəlcədən açıqlandığı kimi “CBC Sport” telekanalında yayımlanmayacaq.

Matc.az xəbər verir ki, bu barədə klubun mətbuat xidməti məlumat yayıb.

Konfrans Liqasındakı təmsilçimizin həm ev oyunu, həm də səfər görüşü “İdman TV” telekanalı ilə canlı yayımlanacaq. 

Qeyd edək ki, “Sumqayıt” – “Fehervar” qarşılaşması iyulun 25-də Mehdi Hüseynzadə adına Sumqayıt şəhər stadionunda keçiriləcək və saat 20:00-da başlayacaq. Bu komandalar arasında cavab matçı isə iyulun 31-də Macarıstanda oynanılacaq və saat 21:00-da start götürəcək.