Fransa millisinin müdafiəçisi Rafael Varanın yeni komandası dəqiqləşib. Matc.az xəbər verir ki, 31 yaşlı oyunçu karyerasını İtaliyada davam etdirəcək.

Yay fasiləsində “Mançester Yunayted”dən ayrılan mərkəz müdafiəçisi A Seriyası təmsilçisi “Komo” ilə müqavilə bağlayıb. Sözləşmə daha bir il uzatmaq şərti ilə 2 illik imzalanıb.

Qeyd edək ki, Rafael Varan ötən mövsüm İngiltərə Premyer Liqasında 22 oyun keçirib, 1 qol vurub.