UEFA Konfrans Liqasının II təsnifat mərhələsində keçiriləcək “Zirə” - “DAK 1904” (Slovakiya) oyunundan əvvəl baş tutacaq mətbuat konfransları və media üçün açıq məşqlərin vaxtı bəlli olub. Matc.az xəbər verir ki, bu barədə klubun mətbuat xidmətindən bildirilib.

“Qartallar”ın baş məşqçisi Rəşad Sadıqov iyulun 24-də saat 18:00-da "Dalğa Arena"da jurnalistlərin suallarını cavablandıracaq. “Zirə”nin media üçün açıq məşqi isə saat 19:00-da "Qarabağ Arena"da reallaşacaq.

“DAK 1904” klubunun baş məşqçisi Xisko Munyosun mətbuat konfransı iyulun 24-də, saat 19:00-da "Dalğa Arena"da gerçəkləşəcək. Komandanın açıq məşqi isə saat 20:00-a planlaşdırılıb. Hər iki komandanın məşq prosesinin yalnız ilk 15 dəqiqəsi mətbuat nümayəndələri üçün açıq olacaq.