"Barselona"nın yeni baş məşqçisi Hans-Diter Flik Kataloniya klubuna baş məşqçi təyin olunmasını şərh edib.

Matc.az xəbər verir ki, bu barədə “AS” nəşri məlumat yayıb.

“Komandanın fəlsəfəsi mənimkinə uyğun gəlir. Mən də topa sahib olmaqla hücum futboluna üstünlük verirəm. Biz məhz bu istiqamətdə irəliləyəcəyik. “Barselona”da dünyanın ən yaxşı futbol yetirmələri var. Komandada istedadlı gənc oyunçularla təcrübəlilər arasında vəhdət var. Onların inkişafı üçün hər şeyi edəcəyik.

Klubun idman direktoru Deko və prezident Laporta ilə birlikdə çalışacağıq. Komanda işi mənim üçün hər şeydən əvvəl gəlir. Biz birlikdə komandanın hədəflərinə çatmağına səy göstərəcəyik. Belə bir klubda, bu insanlarla işləyəcəyimə çox şadam”.