“Yuventus”un və “Roma”nın keçmiş futbolçusu, hazırda isə UEFA-nın vitse-prezidenti Zbiqnev Bonek Almaniyada start götürən 2024-cü il Avropa çempionatının ən yaxşı oyunçusunun kim olacağı ilə bağlı fikirlərini bölüşüb.

Matc.az xəbər verir ki, o, bu barədə “La Gazzetta dello Sport”a açıqlama verib.

– Avro 2024-ün ən yaxşı oyunçusu kim olacaq?

– Kristiano Ronaldo. Uzun illər idi ki, karyerasını başa vuracağını deyirdilər, amma Kriştiano həmişə formadadır. O, hələ də çox şeyi dəyişə bilər.

– Mbappe haqqında nə deyə bilərsiniz?

– Mən onun sürətini və gücünü çox bəyənirəm. Texnika baxımından isə Mbappe Messi deyil.

– Bəs Bellinqhem?

- Hələ qərar verməmişəm. Ançelotti onun ən yaxşı keyfiyyətlərini “Real”da ortaya çırxardı və mən onları yenidən İngiltərə millisinin kontekstində birlikdə görmək istəyirəm”.