Əvvəlcə II Liqa start götürəcək.

I və II Liqanın başlama tarixləri bəlli olub. Matc.az xəbər verir ki, bu barədə məlumatı Peşəkar Futbol Liqası rəsmən açıqlayıb.

Bildirilib ki, əvvəlcə II Liqa start götürəcək. Azarkeşlər sentyabrın 1-dən bu liqanın oyunlarını izləmək şansı əldə edəcəklər.

I Liqa isə II Liqadan 10 gün sonra, yəni 11 sentyabrda başlayacaq.

I və II Liqada 2024/2025 mövsümünün püşkatma mərasiminin vaxtı da müəyyənləşib. Mərasim 13 avqust tarixində saat 15:00-da AFFA-nın inzibati binasında baş tutacaq.