Avropa Liqasının I təsnifat mərhələsinin ilk oyunları çərçivəsində keçiriləcək “Şerif” - “Zirə" oyununun biletləri satışa çıxarılıb. Matc.az xəbər verir ki, bu barədə Tiraspol klubunun rəsmi saytında məlumat dərc olunub.

Biletlərin qiyməti 50-250 rubl (5-27 manat) aralığında dəyişir.

Qeyd edək ki, "Şerif" - "Zirə" qarşılaşması iyulun 11-də keçiriləcək. “Şerif” İdman Kompleksində baş tutacaq matç saat 21:00-da start götürəcək. Bu komandalar arasında cavab oyunu isə 1 həftə sonra saat 20:00-da “Liv Bona Dea Arena" reallaşacaq.