“Mançester Yunayted”in baş məşqçisi Erik ten Haq portuqaliyalı hücumçu Kriştiano Ronaldonun tənqidlərinə cavab verib. Matc.az xəbər verir ki, “Əl-Nəsr”in forvardı niderlandlı mütəxəssisi ambisiyasızlıqda ittiham edib.

Ten Haq buna məhəl qoymadığını bildirib: “Ronaldo özü demişdi ki, “Mançester Yunayted” Premyer Liqanı qazana bilməyəcək. Məqaləni diqqətlə oxusanız, məhz belə dedi. O, buradan çox uzaqda, Səudiyyə Ərəbistanındadı. Hər kəsin öz fikri ola bilər, bu normaldı. İnsanların haqqımızda danışması məni maraqlandırmır. Hərəkət etdiyimiz istiqaməti bilirəm”.

Qeyd edək ki, Kriştiano Ronaldo 2003-2009 və 2021-2022-ci illərdə “Mançester Yunayted”də çıxış edib.