İspaniyanın “Barselona” klubu azərbaycanlı qapıçı Eldar Tağızadə ilə müqavilə imzaladığını açıqlayıb.

İspaniyanın “Barselona” klubu azərbaycanlı qapıçı Eldar Tağızadə ilə müqavilə imzaladığını açıqlayıb.

Matc.az xəbər verir ki, 21 yaşlı qolkiper Kataloniya klubuna azad agent kimi keçib. Futbolçunun klubla müqaviləsi 2026-cı ilə qədərdir. Tağızadə “Barselona”nın ikinci komandasında çıxış edəcək.

Eldar Tağızadə “Neftçi” klubunun yetirməsidir. O, İspaniyanın “Marset”, daha sonra Fransanın “Klermont” klublarında forma geyinib. Gənc qapıçı son olaraq İspaniyanın “Luqo” klubunun ikinci komandasında çıxış edib.

Qeyd edək ki, “Barselona”nın ikinci komandası ölkənin üçüncü ən güclü divizionunda çıxış edir. Ötən mövsümün sonunda klub üçüncü yeri tutaraq Sequndaya vəsiqə qazanmaq hüququ üçün pley-offa çıxıb. Lakin kataloniyalılar finalda “Kordoba”ya ümumi hesabda (2:3) məğlub olub.