“Brayton”un yarımmüdafiəçisi Billi Qilmor İtaliyada çıxış edəcək. Matc.az xəbər verir ki, Şotlandiya millisinin futbolçusu “Napoli” ilə razılığa gəlib.

Tərəflər şəxsi müqavilənin detallarını artıq razılaşdırıblar. Qilmor illik 1,9 milyon avro maaş olmaqla 5 illik sözləşməyə razılıq verib. İndi qalır klubların keçiddə ortaq məxrəcə gəlməsi. “Napoli” ingilislərə 10 milyon funt-sterlinq təklif edib.

Qeyd edək ki, 23 yaşlı oyunçunun “Brayton”la müqavilə müddəti 2026-cı ilin yayına kimidi.