“Sabah”ın futbolçusu Pavol Şafranko UEFA Konfrans Liqasının III təsnifat mərhələsində İrlandiyanın “Sent Patriks” komandası ilə keçirəcəkləri görüşdən əvvəl təşkil olunan mətbuat konfransında iştirak edib.

Matc.az xəbər verir ki, slovakiyalı oyunçu komandanın məqsədinin Konfrans Liqasının pley-off mərhələsinə vəsiqə qazanmaq olduğunu bildirib.

“Məşq və hazırlıqlarımız çox yaxşı keçir. Komandamızda əhvali-ruhiyyə yüksək səviyyədədir. Bir-birimizə inanırıq. Azarkeşlərimizlə birlikdə komandamızın qalib gəlməsi üçün əlimizdən gələni edəcəyik”.

Qeyd edək ki, “Sabah” – “Sent Patriks Atletik” qarşılaşması “Bank Respublika Arena”sında avqustun 15-də Bakı vaxtı ilə saat 20:00-da başlayacaq.

Komandalar arasında ilk oyun İrlandiya təmsilçisinin 1:0 hesablı qələbəsi ilə yekunlaşıb.