AFFA İntizam Komitəsinin iclası keçirilib. Matc.az xəbər verir ki, bu barədə AFFA-nın rəsmi saytı məlumat yayıb.

Toplantıda ölkə çempionatının II turunda keçirilən “Səbail” - “Neftçi” oyununda (1:1) qeydə alınan neqativ hallarla bağlı hüquqi qiymət verilib.

Qarşılaşmada ev sahiblərinin 5 futbolçusu sarı vərəqə aldığına görə “Səbail” 700 manat cərimə edilib. Görüş bitdikdən sonra stadionda “Neftçi” azarkeşləri tərəfindən iğtişaş törədildiyinə görə “ağ-qaralar”a 4000 manat cərimə kəsilib.

Bundan əlavə, oyun bitdikdən sonra “Neftçi”nin 99 nömrəli futbolçusu Ervin Koffi azarkeşlərə kənar əşya atdığına görə 2 oyunluq cəzalanıb, klubu 2000 manat cərimə edilib.