“Qarabağ”ın futbolçusu Yassin Benzia Əlcəzair millisinə dəvət alıb. Matc.az xəbər verir ki, bu barədə Ağdam klubunun mətbuat xidməti məlumat yayıb.

Əlcəzair millisi Afrika Millətlər Kubokunun E qrupunda Ekvatorial Qvineya və Liberiya yığmaları ilə qarşılaşacaq. Bu görüşlər üçün milliyə dəvət alan futbolçuların sırasında Benzia da var.

Qeyd edək ki, Ekvatorial Qvineya ilə oyun sentyabrın 5-də, Liberiya ilə görüş isə ayın 10-da keçiriləcək.